2019 йилнинг 24 август куни соат 13 дан 05 дақиқа ўтганда Тошкент шаҳри Чилонзор тумани “Дўмбрабод” маҳалласи Новза Қозиробод кўчасида жойлашган кўп қаватли 9-уйнинг 4-қаватидаги 11-хонадонда ёнғин бўлаётганлиги ҳақида ёнғин-қутқарув хизматига хабар келиб тушган.

Воқеа жойига зудликда 2 та ёнғин ўчириш бўлинмалари ва 1 та автонарвон юборилган. Бўлинмалар чақирилган манзилга соат 13:15 да етиб бориб, кўрилган тезкор ҳаракатлар натижасида ёнғин соат 13:30 да ўчирилган. Ёнғин ўчирувчилар томонидан 1971 й.т. хонадон эгаси фуқаро Д.К. қутқарилган ҳамда уйнинг 30 кв.метр майдони ёнғиндан сақлаб қолинган. Ёнғин оқибатида уйнинг 3 кв.метр майдонида ички жиҳозлари ёнган. Ёнғинни тахминий сабаби сигарета чекишда эҳтиётсизлик. Моддий зарар миқдори аниқланмоқда.

 Ўзбекистон Республикаси ФВВ ЁХББ ОАВ билан ҳамкорлик қилиш бўлинмаси