Ру O'z En
FVV ogohlantiradi:
Texnik ishlar olib borilishi munosabati bilan sayt faoliyatida vaqtinchalik uzilishlar bo'lishi mumkin.

13 yoshli bola qutqarildi

Joriy yilning 4 fevral kuni Surxondaryo viloyati Favqulodda vaziyatlar boshqarmasining “1050” qutqaruv xizmatiga Termiz shahrida yashovchi fuqaro S.B. tomonidan murojaat kelib tushdi.

Olingan ma’lumotga ko‘ra, fuqaro S.B.ning uyining temir eshigi berkilib qolganligi, 13 yoshli bolasi uyda uxlab yotganligi, choy damlash uchun gazga suv qo‘yganligi va eshikni taqillatsa ham hech kim javob bermayotganligi sababli havotir olayotganligi ma’lum bo’lgan.

Qutqaruvchilar zudlik bilan Yong‘in xavfsizligi xizmati va Tez tibbiy yordam xizmati xodimlarini jalb qilib, voqea joyiga o‘z vaqtida etib borishdi.

Qutqaruv guruhi tomonidan eshik ochilganda, konditsioner ulangan rozetka erishi natijasida uyning ichi tutun bilan to‘lganligi hamda u erda o‘smir bola hushsiz yotganligi aniqlandi. Qutqaruvchilar bolani tezkorlik bilan tez tibbiy yordam xodimlariga olib chiqishdi va unga birinchi tibbiy yordam ko‘rsatildi. Hozirda bolaning ahvoli yaxshi.

Aziz fuqarolar! Elektr jihozlaridan va gazdan foydalanganda ehtiyot choralarini ko‘ring.

Belgilangan matnni tinglash uchun quyidagi tugmani bosing Powered by GSpeech