FVV ogohlantiradi:
11 dekabr kuni ob-xavo o'zgaruvchan, joylarda yomg'ir yog'ishi mumkin. Joylarda yomg'ir qor yog'ib,tuman tushishi mumkin. Shamol sharqdan g'arbga 7-12 m/s (25-43 km/soat) tezlikdan 15-20 m/s (54-72 km/soat)gacha kuchayadi. Harorat 8-13C iliq, shimolda 3-8C iliq buladi

Ёнғин хавфсизлиги институти битирувчиларига диплом ва лейтенант унвонлари берилди

2019 йилнинг 15 июнь куни Ўзбекистон Республикаси Фавқулодда вазиятлар вазирлиги Ёнғин хавфсизлиги институтида ўтказилган тантанали маросимда институт курсантларига олий маълумот тўғрисидаги диплом топширилди ва лейтенант унвони берилди.

Унда Ўзбекистон Республикаси Фавқулодда вазиятлар вазирлиги рахбарияти, жамоатчилик вакиллари, битирувчиларнинг ота-оналари ва  яқинлари иштирок этди.

Тадбирда сўзга чиққан Ўзбекистон Республикаси Президентининг маслахатчиси - Фавқулодда вазиятлар вазири генерал-лейтенант Т. Худайбергенов ва Институт бошлиғининг ўринбосари полковник Д. Тохтамуратовлар ўз нутқларида Ўзбекистон Республикасининг «Таълим тўғрисида»ги ва «Ёшларга оид давлат сиёсати тўғрисида»ги Қонунлари, давлатимиз рахбари томонидан соҳага оид қабул қилинган Фармон ва қарорлари ҳар томонлама етук, масъулият ва бурчни чуқур ҳис қиладиган ҳамда ўз касбини севиб ардоқлайдиган олий маълумотли мутахассис кадрларни тайёрлашда муҳим ҳуқуқий асос бўлиб хизмат қилаётганлигини таъкидладилар.

Сўнгги йилларда таълим муассасасининг илмий салоҳиятини мустаҳкамлаш, илм-фаннинг амалиёт билан интеграциялашувини кучайтириш, профессор-ўқитувчиларнинг илмий-тадқиқот фаолияти самарадорлиги ва натижадорлигини ошириш ва иқтидорли ёшларни илмий фаолият билан шуғулланишга кенг жалб этишга алоҳида эътибор қаратилаётганини эътироф этди. Айни пайтда, давлатимиз рахбарининг 2019 йил 10 апрелдаги «Ўзбекистон Республикасида фавқулодда вазиятларнинг олдини олиш ва бартараф этиш ҳамда ёнғин хавфсизлигини таъминлашнинг сифат жиҳатидан янги тизимини жорий этиш тўғрисида»ги Фармони асосида Ёнғин хавфсизлиги институтида негизида  Фавқулодда вазиятлар вазирлиги Академиясининг ташкил этилаётганлиги қайд этилди.

Тадбирда битирувчиларга олий маълумот тўғрисидаги диплом топширилди ва лейтенант унвони берилди.

Тантанали маросимда сўзга чиққан битирувчилар ва уларнинг ота-оналари ўзларининг тилакларини ҳамда миннатдорчиликларини изҳор этишди.

Belgilangan matnni tinglash uchun quyidagi tugmani bosing Powered by GSpeech