Shrift o'lchami: A A A
Sayt rangi: A A A A
FVV ogohlantiradi:
19-aprel kuni ob-havo o'zgaruvchan, joylarda kuchli yomg'ir yog'ib momoqaldiroq bo'lishi mumkin. Faqat Qoraqalpog'iston Respublikasi, Xorazm, Andijon, Namangan va Farg'ona viloyatlarida yog'ingarchilik kutilmaydi. Shamol sharqdan g'arbga 7-12 m/s (25-43 km/soat)dan 15-20 m/s (54-72km/soat) tezlikgacha esadi. Harorat 17-22C iliq bo'ladi.

Hamkorlikdagi seminar

Joriy yilning 28 mart kuni O‘zbekiston Respublikasi Geologiya va mineral resurslar davlat qo‘mitasi Xavfli geologik jarayonlarni kuzatish davlat xizmati bilan hamkorlikda “Xavfli geologik jarayonlar monitoringi va prognozi” mavzusida ilmiy-amaliy seminar o‘tkazildi.

Seminarda, O‘zbekiston Respublikasi Fuqaro muhofazasi instituti huzuridagi aholi va hududlarni tabiiy hamda texnogen xususiyatli favqulodda vaziyatlardan muhofaza qilish, shuningdek, fuqaro muhofazasi sohasidagi ilmiy ishlarni rivojlantirish bo‘yicha Idoralararo kengash a’zolari, Xavfli geologik jarayonlarni kuzatish davlat xizmati xodimlari, Fuqaro muhofazasi instituti magistrantlari ishtirok etishdi.  

Ilmiy-amaliy seminar, respublika aholisi va hududlarini er ko‘chkilari bilan bog‘liq yuzaga kelishi mumkin bo‘lgan favqulodda vaziyatlardan muhofaza qilish, sohada amalga oshirilayotgan ilmiy-tadqiqot ishlari bilan tanishish, ilmiy-tadqiqot ishlari natijalarini samarali tatbiq etish masalalarini muhokama qilish maqsadida tashkil etildi.

Mazkur seminarda, Xavfli geologik jarayonlarni kuzatish davlat xizmati faoliyati, xavfli geologik jarayonlar monitoringini olib borishda fan va amaliyot imkoniyatlaridan samarali foydalanish masalalari, tog‘ va tog‘ oldi hududlarida, ko‘chki xavflilik darajasi bo‘yicha maxsus rayonlashtirish xaritalarini tuzish, sohada amalga oshirilayotgan ilmiy-tadqiqot ishlari, rivojlangan xorijiy davlatlar tajribalari hamda sohaga tatbiq etilayotgan innovatsion qurilmalarga oid masalalar muhokama etildi.

Tadbir yakunida Ilmiy ishlarni rivojlantirish bo‘yicha idoralararo kengash a’zolari tomonidan soha bo‘yicha amalga oshirilayotgan ilmiy-tadqiqot ishlarini qo‘llab-quvvatlash, ularning natijalarini amaliyotga samarali tatbiq etishga qaratilgan  tegishli qarorlar qabul qilindi.

 

FVV Matbuot xizmati

O'xshash yangiliklar

Davlat ramzlari
Belgilangan matnni tinglash uchun quyidagi tugmani bosing Powered by GSpeech