Joriy yilning 11 oktyabr kuni O‘zbekiston milliy matbuot markazida Favqulodda vaziyatlar vazirligi hamda boshqa vazirlik va idoralar bilan “Xalqaro tabiiy ofatlar xavfini kamaytirish kuni” munosbati bilan favqulodda vaziyatlar va halokatlarning oldini olish va profilaktikasiga bag‘ishlab matbuot anjumani o‘tkazildi.

Matbuot anjumanida Favqulodda vaziyatlar vazirligining rahbariyat tarkibi, Gidrometreologiya xizmati markazi, Seysmoprognostik monitoring markazi, “Davsuvxo‘jaliknazorat” Davlat inspeksiyasi Fuqaro muhofazasi instituti mas’ul mutaxassislari, shuningdek, ommaviy axborot vositalari vakillari ishtirok etishdi.

Tadbir avvalida Favqulodda vaziyatlar profilaktikasi boshqarmasi boshlig‘i vazirlikning faoliyati, favqulodda vaziyatlarni monitoringi va bashoratlash, halokatlar va ofatlarning oqibatlarini minimallashtirish hamda  aholining turli qatlamlarini favqulodda vaziyatlar sharoitida harakat qilishga tayyorlash shu jumladan, favqulodda vaziyatlarni oldini olish va oqibatlarini bartaraf etish funksiyasiga ega bo‘lgan vazirlik va idoralar tomonidan olib borilayoigan tadbir xususida ma’ruza qildi.   

         Tadbir davomida ommaviy axborot vositalari vakillari o'zlarining qiziqtirgan savollariga javob oldilar va olib borilayotgan profilaktik tadbirlarning samaradorligini oshirish bo'yicha ommaviy axborot vositalari, jumladan, Internet-resurslar ishtirokini faollashtirishda  o'z takliflarini taqdim etdilar.

FVVning boshqarma va bo‘lim boshliqlari OAV vakillarining bergan savollariga atroflicha javoblar berishdi.

Matbuot anjumani interaktiv va qiziqarli tarzda bo`lib bo‘tdi.