FVV ogohlantiradi:
29 yanvar kuni ob-havo o'zgaruvchan bo'lib, kechasi va ertalab ayrim joylarda yomg'ir yog'ib, bazi hududlarda qorga aylanishi mumkin. Andijon, Namangan va Farg'ona viloyatlarida yomg'ir qor yog'adi. Qoraqalpog'iston Respublikasi, Buxoro va Xorazm viloyatlarida yog'ingarchilik kutilmaydi. Ayrim joylarda tuman tushishi mumkin. Shamol sharqdan 7-12 m/s (25-43 km/soat) tezlikda esib, 17-22 m/s (61-79 km/soat)gacha kuchayishi mumkin. Harorat kechasi 0-5*S sovuq, kunduzi 3-8*S iliq bo'ladi.

BMTTD Vakolatxonasi rahbari bilan uchrashuv bo‘lib o‘tdi

2017 yilning 7 noyabr kuni Favqulodda vaziyatlar vazirligining Fuqaro muhofazasi institutida vazir Rustam Djuraev Birlashgan Millatlar Tashkiloti Taraqqiyot Dasturining O‘zbekistondagi Vakolatxonasi rahbari Xelen Freyzer bilan uchrashdi.

Uchrashuv davomida, BMTTD bilan yangi qo‘shma loyihalar doirasida ikki tomonlama hamkorlikning istiqbolli yo‘nalishlari muhokama etildi.

Shuningdek, Xelen Freyzer Fuqaro muhofazasi institutiga tashrifi davomida vazirlik tuzilmalarining avariya-qutqaruv asbob-anjomlari, zilzilalar tarixi muzeyi, ekspozitsiya zali bilan yaqindan tanishdi. Mehmonlar o‘zlarining bilim va ko‘nikmalarini zilzila simulyatorida amalda sinab ko‘rdilar.

Tashrif yakunida X.Freyzer FVV rahbariyatiga tashkil etilgan uchrashuv uchun minnatdorlik bildirdi.

  

FVV Matbuot xizmati

Belgilangan matnni tinglash uchun quyidagi tugmani bosing Powered by GSpeech