Bugun mamlakatimiz bo‘ylab ko‘chalar, uylar, tashkilotlar atrofida keng miqyosda obodonlashtirish, tozalash ishlari avjida. Ilk bor respublikamizda o‘tkazilayotgan umumxalq ekologik hashari Favqulodda vaziyatlar vazirligining Markaziy apparati xodimlari tomonidan uyushqoqlik bilan tashkil etilmoqda.

Erta tongdan vazirlik hovlisiga saf tortgan harbiy xizmatchi va xizmatchilarga tadbir hamda undan ko‘zlangan maqsad-vazifalar tushuntirilib, ularga zarur tavsiya va ko‘rsatmalar berildi.

Shundan so‘ng, barcha boshqarma, mustaqil bo‘lim va xizmatlar xodimlari o‘zlariga biriktirilgan hududlarda obodonlashtirish, tozalash ishlarini boshlab yubordilar.

Hashar davomida uchastkalarda yerlarni chopish, daraxtlarga shakl berish, supurish, chiqindilarni belgilangan hududlarga olib chiqish ishlari qizg‘in amalga oshirildi. 

O‘zaro hamjihatlik, inoqlik asosida tashkil etilgan xayrli tadbir natijasida, vazirlik hovlisi, xizmat xonalari ozoda, shinam va obod holga keltrildi.

FVV Matbuot xizmati