FVV ogohlantiradi:
27 oktabr kuni ob-havo o'zgaruvchan bo'lib, yog'ingarchilik kutilmaydi. Faqatgina Qoraqalpog'iston Respublikasi va Xorazm viloyatida ayrim joylarda mayda yomg'ir yog'adi. Shamol sharqdan 7-12 m/s (25-43 km/soat) tezlikda esadi. Harorat kechasi 4-9*S iliq, kunduzi 15-20*S gacha iliq bo'ladi.

Farg‘ona viloyati Rishton tumanida havo-gaz aralashmasining chaqnashi sodir bo‘ldi

Farg‘ona viloyati Favqulodda vaziyatlar boshqarmasining taqdim etgan ma’lumotiga ko‘ra, 2017 yil 27 noyabr kuni soat 08:40 da, Rishton tumanida joylashgan “Rishton bosmaxonasi” MCHJ binosida gaz vositalaridan foydalanishda xavfsizlik qoidalariga rioya qilmaslik oqibatida, havo-gaz aralashmasining chaqnashi sodir bo‘lgan.

Natijada, 1 nafar fuqaro o`rta darajadagi (15%) kuyish bilan jarohat olgan. Shuningdek, chaqnash to‘lqini zarbasi natijasida, “Rishton bosmaxonasi” MCHJ binosining yaqinida joylashgan 1-sonli umumta’lim maktabining 3 nafar o‘quvchilari yengil tan jarohati olishgan.

Jabrlangan fuqaro tuman tibbiyot birlashmasi tez tibbiy yordam bo‘limiga yotqizilgan. Birinchi yordam ko‘rsatilgandan so‘ng, 3 nafar maktab o‘quvchilari uyiga jo‘natilgan.

Sodir bo‘lgan voqea yuzasidan Rishton tumani prokuraturasi, ichki ishlar va yong`in xafvsizligi bo‘limi tomonidan surishtiruv ishlari olib borilmoqda.

Hurmatli fuqarolar! gaz vositalaridan foydalanishda xavfsizlik qoidalariga rioya qilishingizni so`raymiz.

 

Belgilangan matnni tinglash uchun quyidagi tugmani bosing Powered by GSpeech