Ayni kunlarda O‘zbekiston Respublikasi Konstitutsiyasining 30 yilligi munosabati bilan joylarda bayram tadbirlari bo‘lib o‘tmoqda.

Mana shunday tantanali tadbirlar Favqulodda vaziyatlar vazirligining hududiy boshqarmalarida ham ko‘tarinki ruhda tashkil etilmoqda. Buni Toshkent, Samarqand va Farg‘ona viloyatlari misolida yaqqol ko‘rishimiz mumkin.

Tadbir doirasida bir guruh harbiy xizmatchilar va xizmatchilarga O‘zbekiston Respublikasi Prezidentining Farmoniga muvofiq ta'sis etilgan “O‘zbekiston Respublikasi Konstitutsiyasining 30 yilligi” ko‘krak nishonlari hamda ofitserlarga nabatdagi harbiy unvonlar tantanali topshirildi.