Shrift o'lchami: A A A
Sayt rangi: A A A A
FVV ogohlantiradi:
19-mart kuni ob-havo o'zgaruvchan, joylarda yomg'ir yog'adi, momoqaldiroq bo'lishi mumkin. Faqat Andijon, Namangan va Farg'ona viloyatlarida yog'ingarchilik kutilmaydi. Shamol sharqdan g'arbiy yo'nalishga o'zgarib 7-12 m/s (25-43 km/soat) tezlikda esib, 15-20 m/s (54-72 km/soat)gacha kuchayishi mumkin. Harorat 15-20C iliq bo'ladi.

Fevral-mart oylarida o'tkazilgan taktik maxsus o'quv mashlari

O‘zbekiston Respublikasi Bosh vaziri – Fuqaro muhofazasi boshlig‘ining 2018 yil 8 yanvardagi «Aholi va hududlarni favqulodda vaziyatlardan muhofaza qilish bo‘yicha 2017 yilda bajarilgan tadbirlar yakuni va 2018 yildagi vazifalar to‘g‘risida»gi 1-sonli buyrug‘i ijrosini ta’minlash maqsadida, fevral-mart oylari davomida Qoraqalpog‘iston Respublikasi, viloyatlar va Toshkent shahrida «Odamlar va hayvonlar o‘rtasida quturish kasalligining tarqalishiga yo‘l qo‘ymaslik, favqulodda vaziyatlarni oldini olish va ularda harakat qilish Davlat tizimi hududiy quyi tizimlari kuch-vositalarining hamkorlikdagi harakatlari» mavzusida ko‘rgazmali maxsus-taktik o‘quv mashqlari o‘tkazildi.

Favqulodda vaziyatlar vazirligi tomonidan o‘tkazilgan ko‘rgazmali o‘quv mashqlarida Sog‘liqni saqlash, Ichki ishlar vazirliklari, Davlat veterinariya qo‘mitasining hududiy xizmatlari hamda mahalliy hokimiyat organlarining obodonlashtirish boshqarmalari xodimlari ishtirok etdilar. O‘quv mashqlari davomida mas’ul xizmatlarning quturish kasalligi profilaktikasi bo‘yicha aholi o‘rtasida olib borayotgan sanitar-targ‘ibot ishlari hamda favqulodda vaziyat sodir bo‘lganda oqibatlarini bartaraf etishda FVDTning hamkorlikdagi harakatlarini baholash ishlari amalga oshirildi.

O‘tkazilgan maxsus-taktik o‘quv mashqlarida jami 2910 nafar shaxsiy tarkib ishtirok etdi va 177 maxsus texnikalar jalb etildi. Bundan tashqari, o‘quv mashqlari davomida ishtirokchilar va aholi xonadonlariga 16500 tadan ortiq quturish kasalligiga qarshi kurashish profilaktikasiga bag‘ishlangan eslatma va bukletlar tarqatildi.

Shuningdek o‘quv mashqlari davomida 67,5 mingga yaqin itlar quturish kasalligiga qarshi emlandi. Bundan tashqari, mas’ul xizmatlar xodimlari tomonidan 150 dan ortiq o‘quv seminarlari hamda uyma-uy yurish orqali
265 ming xonadonlarda targ‘ibot-tushintirish tadbirlari olib borildi.

Soha mutaxassislari tomonidan aksariyat hollarda mamlakatimizda fuqarolar tomonidan uy hayvonlari, it va mushuklarni saqlash qoidalarining buzilishi natijasida odamlar va hayvonlar quturish kasalligi viruslari bilan zararlanayotganligi takidlanmoqda.

Quturish kasalligi bilan bog‘liq holatar asosan, yosh bolalar va kattalar qarovsiz qolgan hayvonlardan jarohatlanganda o‘z vaqtida tibbiy muassasalarga va antirabik yordamga murojaat qilmasliklari, shuningdek, shahar va tumanlardagi obodonlashtirish boshqarmalaridagi qarovsiz hayvonlarni tutish bo‘limlari tomonidan qarovsiz hayvonlarni ushlash tadbirlari etarli darajada tashkil etilmaganligi oqibatida yuzaga kelayotganligini alohida ta’kidlash joiz.

Hozirgi kunga qadar quturish kasalligiga dori-darmon va unga qarshi davolash usullari aniqlanmagan. Ushbu kasallikka qarshi kurashishning yagona usuli, faqat o‘z vaqtida to‘liq antirabik yordam olishdir.

Yodda tuting!

Quturish – davolab bo‘lmaydigan kasallik bo‘lib, unga qarshi nafaqat mas’ul xizmatlar mutaxassislari, balki, keng jamoatchilik kurashishi zarur. Mana shu kurashish usullari orqali davolab bo‘lmas ofatdan o‘z yaqinlarimizni va vatandoshlarimizni himoya qilishimiz mumkin.

O'xshash yangiliklar

Korrupsiya – milliy xavfsizlikka tahdid

Joriy yilning 14 mart kuni Ozbeksiton Respublikasi Favqulodda vaziyatlar vazirligi binosida Korrupsiya milliy xavfsizlikka tahdid mavzusida tadbir otkazildi. Mazkur tadbir Harbiy prokuratura bilan ha…

Tadbirkorlar diqqatiga!

Toshkent viloyati Yuqorichirchiq tumani Kenes mahalla fuqarolar yigini hududidan oqib otuvchi Qizilsoy soyi ozanini tozalash jarayonida qum-shagal materiallarini qazib olish boyicha tayyorlangan loyih…

FVV tizimida yangi tayinlovlar

Ozbekiston Respublikasi Favqulodda vaziyatlar vazirligida bir qator harbiy xizmatchilarni lavozimlarga tayinlandilar. polkovnikMuxitdinov Muxtor Yashnarovich Toshkent shahar Favqulodda vaziyatlar bosh…

Davlat ramzlari
Belgilangan matnni tinglash uchun quyidagi tugmani bosing Powered by GSpeech