FVV ogohlantiradi:
25 may kuni ob-havo o‘zgaruvchan, yog‘ingarchilik kutilmaydi. Shamol sharqdan 7-12 m/s (25-43 km/soat) tezlikda esаdi,. Harorat 34-39*S issiq bo‘lib, shimoliy cho‘l hududlarida 41*S gacha issiq bo‘ladi.

FVV moddiy-texnik bazasini yanada mustahkamlash to`g`risida

O`zbekiston Respublikasi Prezidentining 2017 yil 1 iyundagi "Favqulodda vaziyatlarning oldini olish va ularni bartaraf etish tizimi samaradorligini tubdan oshirish chora-tadbirlari to`grisida”gi Farmoniga asosan 2017 yil 23 oktyabrda O‘zbekiston Respublikasi Vazirlar Mahkamasining “O‘zbekiston Respublikasi Favqulodda vaziyatlar vazirligi hududiy va tarkibiy tuzilmalarining moddiy-texnik bazasini bosqichma-bosqich kuchaytirish to‘g‘risida”gi 863-sonli qarori tasdiqlandi.  Hukumatning mazkur qaroriga asosan Favqulodda vaziyatlar vazirligining qutqaruv tuzilmalari mamlakatimizda hamda xorijda ishlab chiqarilgan zamonaviy asbob-uskunalar va texnikalar bilan ta’minlanadi.

Jumladan, O‘zbekiston Respublikasi Favqulodda vaziyatlar vazirligi tuzilmalarini moddiy-texnik vositalar bilan ta’minlash Kompleks dasturida vazirlik tizimini maxsus avtomobil texnikalari, qutqaruv asbob-anjomlari, aloqa va axborotlashtirish vositalari, dasturiy ta’minotlar, g‘avvoslik, radiatsion va kimyoviy nazorat texnik vositalari, jabrlanganlarni qidirish uskunalari, tog‘-alpinistik jihozlar hamda boshqa zamonaviy maxsus asbob-anjomlar bilan ta’minlash rejalashtirilgan.

Favqulodda vaziyatlar vazirligi qutqaruv tuzilmalarini moddiy-texnik bazasini mustahkamlash qutqaruvchilar ish faoliyatining yanada samaradorligini oshirishda, tezkorlik bilan favqulodda vaziyatlarning oldini olish va oqibatlarini bartaraf etishda muhim omil sanaladi.

 

FVV Matbuot xizmati

Belgilangan matnni tinglash uchun quyidagi tugmani bosing Powered by GSpeech