FVV ogohlantiradi:
6 iyul kuni ob-havo o‘zgaruvchan, yog‘ingarchilik kutilmaydi. Shamol sharqdan 7-12 m/s (25-43 km/soat) tezlikda esadi. Harorat 32-37*S issiq bo‘ladi.

Hamkorlikdagi seminar

Joriy yilning 2 noyabr kuni O‘zbekiston Respublikasi Sog‘liqni saqlash vazirligi Toshkent vrachlar malakasini oshirish institutida “Radiatsion xavfsizlik muammolari va ularning yechimi” mavzusida ilmiy-amaliy seminar o‘tkazildi.

Seminar, O‘zbekiston Respublikasi Fuqaro muhofazasi instituti huzuridagi aholi va hududlarni tabiiy hamda texnogen xususiyatli favqulodda vaziyatlardan muhofaza qilish, shuningdek, fuqaro muhofazasi sohasidagi ilmiy ishlarni rivojlantirish bo‘yicha Idoralararo kengash hamda O‘zbekiston Respublikasi Sog‘liqni saqlash vazirligi Toshkent vrachlar malakasini oshirish instituti bilan hamkorlikda tashkil etildi.

Tadbirda, O‘zbekiston Respublikasi Fuqaro muhofazasi instituti huzuridagi aholi va hududlarni tabiiy hamda texnogen xususiyatli favqulodda vaziyatlardan muhofaza qilish, shuningdek, fuqaro muhofazasi sohasidagi ilmiy ishlarni rivojlantirish bo‘yicha Idoralararo kengash a’zolari, Toshkent vrachlar malakasini oshirish instituti ilmiy xodimlari, Fuqaro muhofazasi instituti magistrantlari ishtirok etishdi.

Ilmiy-amaliy seminar respublika aholisi va hududlarini radiatsiyaviy xavfsizligini ta’minlash va bu borada amalga oshirilayotgan ilmiy-tadqiqot ishlari natijalarini amaliyotga samarali tatbiq etish masalalarini muhokama qilish maqsadida tashkil etildi.

Mazkur seminarda radioaktiv moddalarning salbiy omillarini biologik obyektlarga ta’siri va uning oldini olish chora-tadbirlari, radiatsion xavfsizlikni ta’minlash sohasida amalga oshirilayotgan ilmiy-tadqiqot ishlari, rivojlangan xorijiy davlatlar tajribalari, sohaga tatbiq etilayotgan innovatsion qurilmalarga oid masalalar muhokama etildi.

Tadbir yakunida Ilmiy ishlarni rivojlantirish bo‘yicha idoralararo kengash a’zolari tomonidan soha bo‘yicha amalga oshirilayotgan ilmiy-tadqiqot ishlarini qo‘llab-quvvatlash, ularning natijalarini amaliyotga samarali tatbiq etishga qaratilgan  tegishli qarorlar qabul qilindi.

 

FVV Matbuot xizmati

 

 

 

Belgilangan matnni tinglash uchun quyidagi tugmani bosing Powered by GSpeech