Ўзбекистон Республикаси Президентининг тегишли фармонига мувофиқ Тошкент вилоятининг Бўстонлиқ туманида ташкил этилган “Ўрмон ёнғинларини бартараф этишга ихтисослашган ёнғин – қутқарув махсус отряд”и янги биноси қуриб, фойдаданишга топширилди.

Юртимизда кенг нишонланаётган “Наврўз” умумхалқ байрами арафасида топширилиши қутқарувчилар учун ҳақиқий байрамона тухфа бўлди.

Ушбу масканда қутқарувчилар учун барча шарт-шароитлар яратилиб, зарурий техникалар, қутқарув ишларида фойдаланиладиган асбоб-анжомлар, замонавий ёнғин ўчириш ҳамда қутқарув автомобиллари билан таъминланган.

Бинонинг яна бир эътиборли жиҳати шундаки, маскан қайта тикланувчи энергия манбаи ҳисобланмиш қуёш панеллари билан жиҳозланган бўлиб, бу панеллар бинони электр энергия билан тўлиқ таъминлаш имкониятини бера олади.