Kitob yarmarkasi o‘tkazildi

Kitob — insonning eng yaxshi do‘sti u kishini fikrlashga undaydi, tafakkur manbaini kengaytirishda muhim o‘rin tutadi. Shuning uchun kitobga muhabbat, uni qadrlash, o‘qishga bo‘lgan ishtiyoq xalqimizga xos bo‘lgan fazilatlardan biri hisoblanadi. 

Shu ma’noda, 2018 yilning 8 yanvar kuni O‘zbekiston Respublikasi Favqulodda vaziyatlar vazirligi binosida xizmatchi va harbiy xizmatchilar uchun o‘tkazilgan kitoblar yarmarkasi yuqoridagi fikrimizning amaldagi isboti bo‘ldi desak mubolag‘a bo‘lmaydi. Unda kitobxonlar o‘zbek va jahon adabiyotida o‘chmas iz qoldirgan taniqli adiblarning asarlarini mutolaa qilish imkoniyatiga ega bo‘ldilar.

Shuningdek, ko‘rgazmadagi mavjud kitoblar savdo rastalaridan xarid qilish mumkin bo‘lgan kitoblardan bir muncha hamyonbopligini alohida ta’kidlash joiz.