FVV ogohlantiradi:
29 yanvar kuni ob-havo o'zgaruvchan bo'lib, kechasi va ertalab ayrim joylarda yomg'ir yog'ib, bazi hududlarda qorga aylanishi mumkin. Andijon, Namangan va Farg'ona viloyatlarida yomg'ir qor yog'adi. Qoraqalpog'iston Respublikasi, Buxoro va Xorazm viloyatlarida yog'ingarchilik kutilmaydi. Ayrim joylarda tuman tushishi mumkin. Shamol sharqdan 7-12 m/s (25-43 km/soat) tezlikda esib, 17-22 m/s (61-79 km/soat)gacha kuchayishi mumkin. Harorat kechasi 0-5*S sovuq, kunduzi 3-8*S iliq bo'ladi.

MUBORAK GAZNI QAYTA ISHLASH ZAVODIDA O‘QUV MASHQI BO‘LIB O‘TDI

“Yong‘in xavfsizligi oyligi” doirasida Qashqadaryo viloyati Favqulodda vaziyatlar boshqarmasi tomonidan profilaktik tadbirlar va maxsus o‘quv mashg‘ulotlari o‘tkazilmoqda.

Muborak Gazni qayta ishlash zavodining 18-sexida (propan butan olish kurilmasi) o‘tkazilgan yong‘in o‘chirish amaliy maxsus taktik o‘quv mashqida qutqaruvchilar shartli yong‘inni bartaraf etish ishlarini amalga oshirdilar.

Mashg‘ulot davomida tezkor xizmatlarga xabar berish va ogohlantirish, yong‘inni bartaraf etish uchun jalb qilinadigan kuch-vositalarni to‘g‘ri yo‘naltirish, jabrlanganlarni xavfsiz hududga olib chiqish va birinchi tibbiy yordam ko‘rsatish harakatlari amaliy tarzda ko‘rsatildi.

Belgilangan matnni tinglash uchun quyidagi tugmani bosing Powered by GSpeech