FVV ogohlantiradi:
15 dekabr kuni ob-xavo o'zgaruvchan, yog'ingarchilik kutilmaydi. Joylarda tuman tushishi mumkin. Shamol shardan 7-12 m/s (25-43 km/soat) tezlikda esadi. Harorat 0-5C iliq buladi

NAVOIYDA YONGʻIN OʻCHIRUVCHILAR OʻRTASIDA OʻZBEKISTON ChEMPIONATI BOʻLIB OʻTMOQDA

Joriy yilning 8-avgust kuni Navoiy shahrida Navoiy kon-metallurgiya kombinati Yongʻin xavfsizligi boshqarmasi mezbonligida Yongʻin oʻchirish amaliy sporti boʻyicha Oʻzbekiston Ochiq chempionatiga start berildi. Dastlab “Yoshlar markazi”da chempionatning qura tashlash marosimi boʻlib oʻtdi. Unga koʻra, musobaqa ishtirokchilari sifatida Qoraqalpogʻiston Respublikasi, viloyatlar va Toshkent shahri Yongʻin xavfsizligi boshqarmalarining terma jamoalari aniqlandi. Jamoalar ishgʻol qilish narvonida oʻquv minoraning 4-qavatiga koʻtarilish, 4x100 metrli yongʻin oʻchiruvchilar estafetasi, 100 metrga toʻsiqlar osha yugurish va yongʻin oʻchirish avtomobili orqali jangovor yoyilish shartlari boʻyicha oʻzaro kuch sinashadi.

Shu kuni NKMK Yongʻin xavfsizligi boshqarmasi hududida chempionatning 1-turi – ishgʻol qilish narvonida oʻquv minoraning 4-qavatiga koʻtarilish sharti oʻtkazildi. Hakamlar tomonidan baholanib, qizgʻin va murosasiz davom etgan bellashuvda Qashqadaryo terma jamoasi 1-oʻrin, Navoiy terma jamoasi 2-oʻrin, Qoraqalpogʻiston Respublikasi terma jamoasi 3-oʻrinni qoʻlga kiritishdi.

Bugun 9-avgust kuni erta tongdan “Sugʻdiyona” oʻyingohida chempionatning dastlabki turi kuzatuvchilarning saf koʻrigi boʻlib oʻtdi. Bundan soʻng musobaqaning 2-turi – 4x100 metrli yongʻin oʻchiruvchilar estafetasi oʻtkazildi. Uning natijalariga koʻra, 1-oʻrin Navoiy, 2-oʻrin Qashqadaryo va 3-oʻrin Buxoro viloyati terma jamoalariga nasib etdi.

Kunning ikkinchi yarmida muhtasham “Sugʻdiyona” oʻyingohida respublikamizning barcha hududlaridan kelgan jamoalar qolgan shartlar boʻyicha oʻzaro bellashadilar.

Saytimizni kuzating va Yongʻin oʻchirish amaliy sporti boʻyicha Oʻzbekiston Ochiq chempionati tafsilotlari bilan tanishib boring!

O'xshash yangiliklar

Belgilangan matnni tinglash uchun quyidagi tugmani bosing Powered by GSpeech