FVV ogohlantiradi:
27 noyabr kuni ob-havo o'zgaruvchan, yog'ingarchilik kutilmaydi. Faqatgina Qoraqalpog'iston Respublikasi, Xorazm va Navoiy viloyatlari bo'yicha ayrim joylarda yomg'ir va qor yog'ishi mumkin. Samarqand va Qashqadaryo viloyatlari bo'yicha kechqurun yomg'ir yog'ishi mumkin. Shamol sharqdan 7-12 m/s (25-43 km/soat) tezlikda esadi. Harorat kechasi 5*S sovuq – 2*S iliq, kunduzi 5-10*S iliq bo'ladi.

“NEXT” ko‘ngilochar savdo majmuasida o‘quv mashqi o‘tkazildi

Favqulodda vaziyatlar vazirligi tomonidan Respublikamizda favqulodda vaziyatlarni oldini olishga qaratilgan ko‘plab amaliy tadbirlar o‘tkazilmoqda. Ana shunday tadbirlarning biri poytaxtimizda joylashgan «NEXT» ko‘ngilochar savdo majmuasida bo‘lib o‘tdi.

Mashg‘ulot g‘oyasiga ko‘ra majmuaning uchinchi qavatida shartli ravishda yong‘in chiqib, aholini zudlik bilan binodan evakuatsiya qilish boshlandi. Majmua xodimlari ko‘rsatmaga asosan nafaqat tez, balki, to‘g‘ri yo‘nalishlarda binonоdan fuqarolarni evakuatsiya qilishdi. Qutqaruv otyadi esa voqea joyiga yetib borib, binoda qolib ketgan fuqarolarni qidirishga kirishdilar. Tezkor sa’y-harakatlar bilan jabrlanganlarga birinchi tibbiy yordam ko‘rsatildi va ular xavfli hududdan olib chiqildi. Yong‘in sabab 3-qavatdan tushishning imkoni bo‘lmaganligi tufayli majmuaga tashrif buyurganlar va jabrlanganlarni 4-qavatning tomi orqali maxsus qutqaruv anjomlari yordamida evakuatsiya qilindi.

Ta’kidlash joizki, bu kabi tadbirlarni o‘tkazishdan ko‘zlangan asosiy maqsad – fuqaro muhofazasi tuzilmalarini favqulodda vaziyatlarda to‘g‘ri harakat qilishga o‘rgatish va bu boradagi bilim-ko‘nikmalarini oshirishdan iboratdir.

 

O'xshash yangiliklar

Belgilangan matnni tinglash uchun quyidagi tugmani bosing Powered by GSpeech