Bugun, 1-noyabr kuni Samarqand viloyati Urgut tumani 1 sektor shtabida FVV rahbarligida tumani FVDTga kiruvchi tashkilot va idoralar xodimlaridan iborat ishchi guruh tashkil etildi.

Ishchi guruhning vazifasi hududda kuz-qish mavsumini betalofat o‘tkazish va yuzaga kelishi mumkin bo‘lgan ko‘ngilsiz vaziyatlarni oldini olishdan iborat bo‘ldi. Amaliy harakatlar davomida soha xodimlari tumanda joylashgan mahallalarda uyma-uy yurib aholi yashash xonadonlari, ko‘p qavatli xonadonlar hamda savdo maskanlari, bozorlar, davlat tasarufidagi obyektlarda fuqarolarni is gazidan zaxarlanish, botulizm, gaz-havo aralashmasining chaqnashi va boshqa ko‘ngilsiz hodisalarni oldini olish bo‘yicha tushintirish ishlari olib borilib, aniqlangan kamchiliklarni joyida bartaraf choralari ko‘rilmoqda.