Avval xabar berganimizdek, Turkiyaning Hatay viloyatida joylashgan Avakent shahrida O‘zbekiston Favqulodda vaziyatlar vazirligi xodimlari qidiruv-qutqaruv ishlarining birinchi soatlarida vayronalar ostidan 9 nafar jarohatlangan va 12 nafar halok bo‘lganlarni olib chiqishga muvaffaq bo‘lgan edi. Yaqinda qutqaruvchilarimiz bino vayronalari ostidan yana uch kishining jasadini olib chiqdi. O‘zbekiston Favqulodda vaziyatlar vazirligi xodimlari ishtirokida qutqaruv ishlari kechayu kunduz davom ettirilmoqda.