Joriy yilning 2-4 oktabr kunlari “O‘zekspomarkaz” milliy ko‘rgazmalar majmuasida O‘zbekiston Respublikasi Prezidenti Administratsiyasi huzuridagi Axborot va ommaviy kommunikatsiyalar agentligi tomonidan tegishli vazirlik va idoralar bilan hamkorlikda “Tashkent Book fest-2019” I Toshkent Xalqaro kitob ko‘rgazma-yarmarkasi o‘tkazildi. Unda Favqulodda vaziyatlar vazirligining harbiy xizmatchilari va xizmatchilari ham faol ishtirok etdilar.

Mazkur tadbirdan ko‘zlangan asosiy maqsad kitob va kitobxonlikni targ‘ib qilish, jahon noshirlik sanoati tajribasini o‘rganish, axborot-kutubxona muassasalari, kitob va mutolaa masalalari bilan shug‘ullanuvchi tashkilotlar o‘rtasida xalqaro munosabatlarni o‘rnatishdan iborat.

Qayd etish joiz, ko‘rgazma-yarmarkada 16 mamlakatdan noshirlik va kitob savdosi bilan shug‘ullanuvchi tashkilotlar, shuningdek, yurtimiz nashriyotlari, bosma nashrlari va kitob do‘konlari ishtirok etishdi.