Qutqaruvchilarning respublika ko‘pkurash musobaqasi davom etmoqda

2017 yilning 5 avgust kuni O‘zbekiston Respublikasi Favqulodda vaziyatlar vazirligi tizimida qutqaruvchilar o‘rtasida o‘tkaziladigan an’anaviy ko‘pkurash musobaqalariga start berildi.

Musobaqada Favqulodda vaziyatlar vazirligining hududiy va tarkibiy tuzilmalari qutqaruv otryadlari qutqaruvchilari “O‘zneftegaz” Milliy xolding kompaniyasi, “O‘zkimyosanoat” aksiyadorlik jamiyati,  “Sanoatkongeotexnazorat” davlat inspeksiyasi va IIV YOXBB ning qutqaruv tuzilmalarining tajribali qutqaruvchilari o‘zaro bellashamoqdalar.

Ayni vaqtda musobaqalar Toshkent viloyati Bo‘stonliq tumanining “Chimyon” va “Chorvoq” dam olish maskanlari hududida o‘tkazilmoqda.

Mazkur bahslarda vazirlik tizimidagi qutqaruv otryadlari qutqaruvchilari tog‘da qutqaruv, g‘avvoslik, kimyoviy zaharlangan hududlarda qutqaruv, tibbiy tayyorgarlik yo‘nalishlari bo‘yicha o‘zaro bellashmoqdalar.

Ishtirokchilarning bilim-malakasini baholashda hakamlar hay’ati tomonidan amaliy harakatlarni belgilangan muddatlarda aniq va sifatli, shaffof tarzda bajarilishi, shuningdek, jamoa a’zolarining o‘zaro samarali ishlash qobiliyatiga alohida e’tibor qaratilmoqda.

Musobaqa jarayonlarini saytimizda kuzatib borishda davom eting.