Shrift o'lchami: A A A
Sayt rangi: A A A A
FVV ogohlantiradi:
17 noyabr kuni ob-havo o'zgaruvchan, yog'ingarchilik kutilmaydi.Faqat Qashqadaryo va Surxondaryo viloyatlarida joylarda yomgir yogadi. Shamol sharqdan 7-12 m/s (25-43 km/soat) tezlikda esadi. Harorat 10-15 C iliq, shimolda 5-10 C iliq bo'ladi.

Samarqand viloyati Favqulodda vaziyatlar boshqarmasi tomonidan aholiga amaliy yordamlar ko‘rsatildi

Samarqand viloyatida 31 oktyabr kuni kuzatilgan yomg‘ir suvlari Samarqand shahridagi “O‘zbekiston”, “Spitamenshoh”, “Narpay”, “Firdavsiy”, “Mirzo Ulug‘bek” va “M.Qoshg‘ariy” kabi ko‘plab ko‘chalardagi ariqlarga sig‘masdan avtomobil yo‘llariga chiqib ketishi qayd etildi. Shuningdek, ko‘p miqdorda yog‘gan yomg‘ir suvlari shaharning “So‘zangaron”, “Istiqbol”, “Zarafshon”, “Shahrobod” va “Fidokorlar” mahallalaridagi ko‘chalar va aholi xonadonlariga oqib kirish kabi o‘nlab noxush holatlar qayd etilib, fuqarolarga bir qator muammoli vaziyatlarni keltirib chiqardi.

Mazkur holat bo‘yicha viloyat Favqulodda vaziyatlar boshqarmasi, tegishli xizmatlar bilan hamkorlikda murojaat qilgan fuqarolarga amaliy yordam ko‘rsatib, yuzaga kelishi mumkin bo‘lgan favqulodda vaziyatlarning oldi olishga muvaffaq bo‘ldi.

Jumladan, kuchli yomg‘ir natijasida Samarqand shahridagi “O‘zbekiston” ko‘chasidagi ariqlar suvga to‘lganligi bois 34-umumta’lim maktabi hovlisiga kirgan. Ushbu vaziyatda qutqaruvchilar tomonidan quvurlarga tiqilgan chiqindilar tozalanib, suv yo‘li ochib yuborildi va xavfning oldi olindi.

Shuningdek, “M.Qoshg‘ariy” ko‘chasida harakatlanib kelayotgan “Neksiya” rusumli, “Rudakiy” ko‘chasida esa “Damas” avtomashinasi yo‘lni ko‘rmasligi natijasida ariqqa tushib ketishi kuzatilgan. Favqulodda vaziyatlar boshqarmasi qutqaruv otryadining maxsus mashinasi yordamida ushbu texnika vositalari ariqdan chiqarildi.

Bundan tashqari, shaharning “Birlik” ko‘chasidagi 1-tor ko‘cha 5-uyda fuqaro M.Nigoraning yashash xonadonining yerto‘lasini suv bosgan. Maxsus vosita yordamida oqova suvlari yerto‘ladan chiqarib tashlandi va yuzaga kelishi mumkin bo‘lgan xatarning oldi olinishiga erishilgan bo‘lsa, “Fidoiylar” mahallasi 52-uyda yashovchi fuqaro Begimqulova Fotimaning uyiga oqova suvlari kirgan vaziyatda qutqaruvchilar tomonidan jami 6 nafar yosh farzandlarini uy ichidan xavfsiz joyga olib chiqilib, bolajonlarning xavfsizligi ta’minlandi.

O'xshash yangiliklar

O‘z vaqtida amaliy yordam ko‘rsatildi

Joriy yilning 9 iyun kuni soat 21:00 larda Buxoro viloyati Favqulodda vaziyatlar boshqarmasi navbatchi-dispetcherlik xizmatining 1050 tezkor raqamiga, Buxoro shaharida yashovchi fuqaro M. D. tomonidan…

BRIFING O‘TKAZILDI

2018 yil 31-may kuni Ozbekiston Milliy matbuot markazida Favqulodda vaziyatlar vazirligi tomonidan 2018 yilda sel-toshqin va kochki hodisalari bilan bogliq favqulodda vaziyatlardan aholini va hududlar…

Fransiya tajribasi o‘rganildi

2018 yilning 29-30 may kunlari Favqulodda vaziyatlar vazirligi Fuqaro muhofazasi institutida Fransiyaning Ichki ishlar vazirligi Fuqaro muhofazasi va favqulodda vaziyatlarni bartaraf etish Bosh direks…

Davlat ramzlari
Belgilangan matnni tinglash uchun quyidagi tugmani bosing Powered by GSpeech