Shrift o'lchami: A A A
Sayt rangi: A A A A
FVV ogohlantiradi:
17 noyabr kuni ob-havo o'zgaruvchan, yog'ingarchilik kutilmaydi.Faqat Qashqadaryo va Surxondaryo viloyatlarida joylarda yomgir yogadi. Shamol sharqdan 7-12 m/s (25-43 km/soat) tezlikda esadi. Harorat 10-15 C iliq, shimolda 5-10 C iliq bo'ladi.

Sirdaryo viloyatida seminar o`tkazildi

O‘zbekiston Respublikasi Bosh vaziri tomonidan 2017 yil 24 oktyabr kuni tasdiqlangan “Aholi o‘rtasida is gazidan zaharlanish hamda havo-gaz aralashmasidan chaqnash bilan bog‘liq favqulodda vaziyatlarning oldini olishga qaratilgan profilaktik tadbirlarni kuchaytirish bo‘yicha kompleks chora-tadbirlar dasturi”ga muvofiq 2018 yil 31 oktyabr kuni Sirdaryo viloyati Guliston shahrida “Gazdan to‘g‘ri foydalanish – xavfsizlik kafolati” mavzusida an’anaviy Respublika seminari bo‘lib o‘tdi.

Seminarning asosiy tashkilotchisi “O‘ztransgaz” aksiyadorlik jamiyati bo‘lib, Favqulodda vaziyatlar va Ichki ishlar vazirliklari, O‘zbekiston yong‘inga qarshi kurashish jamiyati hamda Guliston shahar hokimligi bilan hamkorlikda o‘tkazildi.

Ta’kidlash joizki, ushbu seminar har yilgidan ko‘ra farqliroq tartibda tashkil etilib, asosiy e’tiborni aholining uyushgan va uyushmagan qatlamlari bilan bevosita muloqot o‘rnatish, isitish mavsumida gaz ta’minoti tizimidagi yuzaga keladigan muammolarni xalq ishtirokida o‘rganib, bartaraf etish choralarini belgilash va amalga oshirish, turmushda gazdan foydalanish qoidalarini kattayu-kichikka sodda va aniq tarzda yetkazishga qaratildi.

Ushbu savollarni batafsil yoritish va keng jamoatchilikka yetkazishda ommaviy axborot vositalari vakillari, ya’ni jurnalistlarning tutgan muhim o‘rnini e’tirof etgan holda, mazkur tadbirga markaziy telekanallar va nashrlar vakillari ishtiroki tashkilotchi tomonidan ta’minlandi.

Seminarda Favqulodda vaziyatlar vazirligi Markaziy apparati va Sirdaryo viloyati boshqarmasi xodimlari ma’ruza, ko‘rgazmali namoyish va intervyulari bilan faol ishtirok etdilar.

Tadbirga jalb etilgan barcha xizmatlar va idoralar ishtirokchilari kirib kelgan isitish mavsumini xalqimiz uchun farovon va xavfsiz kechishini ta’minlashga qaratilgan hamkorlikdagi tadbirlarni kuchaytirish, ularni amalga oshirishda innovatsion texnologiyalar va ilg‘or chet el tajribasidan foydalanish zarurligini qayd etdilar.

 

FVV Matbuot xizmati  

 

O'xshash yangiliklar

O‘z vaqtida amaliy yordam ko‘rsatildi

Joriy yilning 9 iyun kuni soat 21:00 larda Buxoro viloyati Favqulodda vaziyatlar boshqarmasi navbatchi-dispetcherlik xizmatining 1050 tezkor raqamiga, Buxoro shaharida yashovchi fuqaro M. D. tomonidan…

BRIFING O‘TKAZILDI

2018 yil 31-may kuni Ozbekiston Milliy matbuot markazida Favqulodda vaziyatlar vazirligi tomonidan 2018 yilda sel-toshqin va kochki hodisalari bilan bogliq favqulodda vaziyatlardan aholini va hududlar…

Fransiya tajribasi o‘rganildi

2018 yilning 29-30 may kunlari Favqulodda vaziyatlar vazirligi Fuqaro muhofazasi institutida Fransiyaning Ichki ishlar vazirligi Fuqaro muhofazasi va favqulodda vaziyatlarni bartaraf etish Bosh direks…

Davlat ramzlari
Belgilangan matnni tinglash uchun quyidagi tugmani bosing Powered by GSpeech