Yo‘l-transport hodisasida jarohatlangan fuqarolarga yordam ko‘rsatildi

2017 yilning 26 noyabr kuni soat 05.10da Toshkent shahar Favqulodda vaziyatlar boshqarmasi tezkor navbatchisiga Chilonzor tumani Bunyodkor ko‘chasi “Olmazor” metrosi qarshisida “Cobalt” rusumli avtoulovi boshqaruvini yo‘qotib yo‘l chetida turgan daraxtga urilganligi to‘g‘risida xabar kelib tushadi.

Ushbu habarga asosan boshqarma Qutqaruv otryadining qutqaruvchilari voqea joyiga yetib borib, “Cobalt” rusumli avtoulov salonida qisilib qolgan fuqarolar R.M. va M.M.ni zudlik bilan maxsus asbob-anjomlar yordamida chiqarib olishdi va tibbiyot xodimlariga topshirishdi.