Kuni kecha FVV Yong‘in xavfsizligi va favqulodda vaziyatlar muammolari ilmiy-tadqiqot instituti va Yangihayot tumani FV bo‘limi xodimlari tomonidan “Yong‘in xavfsizligi oyligi” doirasida tumandagi 330-sonli umumiy o’rta ta’lim maktabida ko’rgazmali seminar o‘tkazildi.

Mazkur tadbirda ishtirokchilarga qish mavsumini betalofat o‘tkazish, sodir bo‘lishi mumkin bo‘lgan yong‘in, gaz-havo aralashmasining chaqnashi, is gazidan zaharlanish, birlamchi yong‘in o‘chirish voitasidan foydalanish va boshqa yuzaga kelishi mumkin bo‘lgan ko‘ngilsiz vaziyatlarning oldini olish hamda ularni bartaraf etish yuzasidan tushuntirish ishlari olib borildi.