FVV ogohlantiradi:
21 yanvar kuni ob-havo o'zgaruvchan bo'lib, yog'ingarchilik kutilmaydi. Faqatgina, kunning ikkinchi yarmida Qashqadaryo va Surxondaryo viloyatlarida ayrim joylarda vaqti-vaqti bilan yomg'ir yog'adi, Qoraqalpog'iston Respublikasi va Xorazm viloyati bo'yicha ayrim joylarda qisqa muddatli qor yog'adi. Shamol sharqdan 7-12 m/s (25-43 km/soat) tezlikda esib, 17-22 m/s (61-79 km/soat)gacha kuchayishi mumkin. Harorat kechasi 3*S sovuq-2*S iliq, kunduzi 7-12*S iliq bo'ladi, shimolda 3*S sovuq -2*S iliq bo'ladi.

“YOSH QUTQARUVCHI” MUSOBAQASINING RESPUBLIKA BOSQICHI XORAZIMDA

O‘zbekiston Respublikasi Vazirlar Mahkamasining 2011 yil 19 iyuldagi 208-sonli Qarori hamda “O‘zbekiston Respublikasida 2017 yil yoshlarga oid davlat siyosatini amalga oshirishga qaratilgan qo‘shimcha chora-tadbirlar Dasturi” ijrosini ta’minlash maqsadida, 2018 yil 11 may kuni kasb-hunar kollejlari va litsey o‘quvchilari o‘rtasida “Yosh qutqaruvchi” ko‘ngillilar klublari musobaqasining Respublika bosqichi boshlandi. Musobaqa Favqulodda vaziyatlar, Oliy va o‘rta maxsus ta’lim vazirliklari, O‘zbekiston Yoshlar ittifoqi Markaziy Kengashi, Ichki ishlar, Sog‘liqni saqlash, Jismoniy tarbiya va sport, Madaniyat vazirliklari  va Xorazm viloyati hokimligi hamkorligida tashkil etildi.

Musobaqani o‘tkazishdan maqsad, o‘sib kelayotgan yoshlarni favqulodda vaziyatlarda to‘g‘ri harakat qilish, ularni bu boradagi malaka va ko‘nikmalarini oshirish, jabrlanganlarni qutqarish, ularga birinchi tibbiy yordam ko‘rsatishda tezkorlik va aniqlik darajasini amalda sinab ko‘rish asosiy vazifa etib belgilandi.

Mazkur tadbir Xorazm viloyatining Urganch shahridagi “Avesto” majmuasida o‘tkazilmoqda. Unda respublikamizning 14 viloyatidan kollej o‘quvchilari ishtirok etmoqda.

Musobaqaning ochilish marosimida Favqulodda vaziyatlar vazirining birinchi o‘rinbosari general-mayor A.Qo‘ldoshev hamda Xorazm viloyati xokimi F.Ermanovlar o‘z nutqida ushbu musobaqaning yoshlarimizni vatanparvarlik ruhida tarbiyalashda muhim ahamiyat kasb etishini, qutqruvchilik kasbiga mehr uyg‘otishini, kelajakda aholi xavfsizligini ta’minlashi va tabiiy ofatlar xavfini kamaytirishini alohida ta’kidlab o‘tdilar.

Belgilangan matnni tinglash uchun quyidagi tugmani bosing Powered by GSpeech