FVV ogohlantiradi:
29 yanvar kuni ob-havo o'zgaruvchan bo'lib, kechasi va ertalab ayrim joylarda yomg'ir yog'ib, bazi hududlarda qorga aylanishi mumkin. Andijon, Namangan va Farg'ona viloyatlarida yomg'ir qor yog'adi. Qoraqalpog'iston Respublikasi, Buxoro va Xorazm viloyatlarida yog'ingarchilik kutilmaydi. Ayrim joylarda tuman tushishi mumkin. Shamol sharqdan 7-12 m/s (25-43 km/soat) tezlikda esib, 17-22 m/s (61-79 km/soat)gacha kuchayishi mumkin. Harorat kechasi 0-5*S sovuq, kunduzi 3-8*S iliq bo'ladi.

Zararli chigirtkalarga qarshi xalqaro maxsus-taktik o‘quv mashqi

O‘zbekiston Respublikasi Prezidentining “O‘zbekiston Respublikasi va Tojikiston Respublikasi o‘rtasida kelgusida keng ko‘lamli ikki tomonlama hamkorlik qilish chora-tadbirlari to‘g‘risida”gi Qarori bilan tasdiqlangan “O‘zbekiston Respublikasi va Tojikiston Respublikasi o‘rtasida ko‘p tarmoqli rejalashtirilgan kelishuvlarni amalga oshirish amaliy harakatlar rejasi” (Yo‘l xaritasi) ijrosini ta’minlash maqsadida, Favqulodda vaziyatlar vazirligi, “Agrokimyohimoya” AJ, O‘simliklarni himoya qilish ilmiy-tekshirish institutining “Chigirtkalarni o‘rganish laboratoriyasi” va Tojikiston Respublikasining Xatlon oblasti bilan chegaradosh bo‘lgan Surxondaryo viloyatining Qumqo‘rg‘on tumani “Sayhon” hududida “Zararli chigirtkalarga qarshi kurashish” mavzusida maxsus-taktik o‘quv mashqi hamda Tojikiston Respublikasining Xatlon oblasti Rudakiy nohiyasida hamkorlikdagi “Zararli chigirtkalarga qarshi kurashish tadbirlari” mavzusida ilmiy-amaliy seminar va o‘quv mashqi o‘tkazildi.

O‘quv mashqi davomida zararli chigirtkalar tarqalgan maydonlarni aniqlash, kimyoviy ishlovdan o‘tkazish talab etiladigan maydonlarni belgilash hamda zarur bo‘ladigan kimyoviy preparatlar, texnikalar va yordamchi vositalarni shay holatga keltirish, maxsus ishlov berish ishlarini amalga oshirish tartiblari mashq kuzatuvchilari va ishtirokchilariga o‘rgatildi va amaliy ravishda ko‘rsatildi.

Belgilangan matnni tinglash uchun quyidagi tugmani bosing Powered by GSpeech