Kecha, 3-iyun kuni soat 10.00 lar atrofida Qashqadaryo viloyati Shahrisabz tumani Favqulodda vaziyatlar bo‘limiga “Yangi qishloq” MFY da istiqomat qiluvchi fuqaroning sigiri hovlisidagi chuqurligi 10 metr bo‘lgan suvsiz quduqqa tushib ketganligi hamda uni olib chiqishda amaliy yordam so‘rab murojaat qilgan.

Zudlik bilan aytilgan manzilga tuman FVB qutqaruvchilari yetib borib, maxsus qutqaruv asbob-anjomlari hamda texnika yordamida chuqurlikdagi sigir talofatlarsiz chiqarib olingan.