Joriy yilning 10-iyun kuni soat 13:50 da Toshkent viloyati FVBga Yuqorichirchiq tumani hududidan oqib o‘tuvchi "Qorasuv"  daryosi o‘rtasida bir bola qolib ketganligi to‘g‘risida xabar kelib tushgan. Ma’lum bo‘lishicha, daryoga cho‘milish maqsadida borgan bola suzib xoldan toygan va daryo markazidagi orolchaga chiqib olgan. Suv oqimining tezligi yuqori bo‘lganligi sababli orqaga qaytishni imkoni bo‘lmay qolgan.

Mazkur holat bo‘yicha, Toshkent viloyati FVB qutqaruvchilari zudlik bilan aytilgan manzilga yetib borgan. Olib borilgan tezkor harakatlar natijasida, orolchada qolib ketgan bola maxsus anjomlar yordamida sog‘-salomat qirg‘oqqa olib o‘tilgan. 

Yuqoridagilardan kelib chiqib, fuqarolardan suv havzalarida cho‘milayotganda xavfsizlik qoidalariga rioya etishni hamda faqat ruxsat berilgan suv havzalarida cho‘milishni so‘raymiz.