FVV O‘ta muhim va toifalangan obyektlarda yong‘in xavfsizligini ta’minlashni tashkil etish boshqarmasi “Uzbekistan Airports” AJ binolarida yong‘in xavfsizligini ta’minlash bo‘limi tomonidan tegishli tashkilotlar bilan hamkorlikda I.Karimov nomidagi "Toshkent xalqaro aeroporti”ga qarashli havo kemasida shartli yong‘in o‘chirish amaliy o‘quv mashqi o‘tkazildi. 

O‘quv mashqi davomida aeroport ishchi-xizmatchilari bilan favqulodda vaziyatlarning oldini olish, avariya halokati ro‘y berganda to‘g‘ri harakat qilish, zilzila va yong‘in vaqtida evakuatsiya tadbirlarini tashkil etish, birinchi tibbiy yordam ko‘rsatish, birlamchi yong‘in o‘chirish vositalaridan foydalanish tartiblari yo‘nalishida amaliy harakatlar bajarildi.