Bugun, 24-iyun kuni soat 16:00 atrofida “Spark” rusumli avtomashina haydovchisining ehtiyotsizligi oqibatida Toshkent viloyati Chirchiq shahar Guliston MFY hududidan oqib o‘tuvchi “Zax” kanaliga tushib ketganligi bo‘yicha FVBga xabar tushgan.

Shunga ko‘ra, shahar FV bo‘limi qutqaruvchilari zudlik bilan aytilgan manzilga yetib borganda avtomashina ichida 2 nafar inson borligi aniqlangan. FVV g‘avvos qutqaruvchilari va hamkorlikldagi xizmatlar bilan olib borilgan tezkor harakatlar natijasida avtomashinada bo‘lgan insonlar olib chiqilib, ularning hayoti saqlab qolindi. Shundan so‘ng maxsus texnika va asbob-anjomlar yordamida avtomobil kanaldan chiqarib olindi.

Hodisa oqibatida vafot etgan va tan jarohati olganlar yo‘q.