Toshkent shahrida sportning Armrestling turi bo‘yicha O‘zbekiston kubogi musobaqasi o‘tkazilib, unda 15 ta vazn toifasida 400 dan ortiq sportchilar qatnashdi. Shu jumladan, FVV Akademiyasi Harbiy va jismoniy tayyorgarlik kafedrasi dotsenti, kapitan Rustam Choriyev murabbiyligida 10 nafarga yaqin kursantlar musobaqada faol ishtirok etib, g‘oliblar qatoridan joy egalladi.

Umumiy natijalarga ko‘ra, Akademiya jamoasi 1 ta oltin, 2 ta kumush, 2 ta bronza medallari sohibi bo‘ldi. Ushbu musobaqada faxrli birinchi va ikkinchi o‘rinni egallagan sovrindorlar Osiyo kubogi musobaqasiga yo‘llanmani qo‘lga kiritdi.