Bugun, 23-iyul kuni soat 12:35 da Toshkent shahar, Yunusobod tumani, Sh.Rashidov ko‘chasida joylashagan ko‘p qavatli yangi qurilayotgan binoning tom qismida bo‘layotganligi to‘g‘risida FVBga xabar tushgan.
Shunga ko‘ra, zudlik bilan 6 ta yong‘in-qutqaruv ekipaji yong‘in joyiga yetib borib, yong‘in soat 12:56 da bartaraf etildi.  
Yong‘in natijasida binoning tom qismidagi qurilish mahsulotlari yonib zararlangan. Yong‘in-qutqaruvchilarning tezkor sa'y-harakatlari tufayli yong‘inning kengayib ketishi oldi olindi va qisqa vaqt ichida o‘chirildi. Asosiy binoga zarar yetmagan.

Yong‘in sababi va moddiy zarar miqdori aniqlanmoqda. 

Yong‘in oqibatida tan jarohati olgan va halok bo‘lganlar yo‘q.