Avval xabar berganimizdek, Favqulodda vaziyatlar vazirligi tizimida xizmat qilayotgan harbiy xizmatchi va xizmatchi ayollar o‘rtasida "Qutqaruvchi ayollar forumi" o‘tkazildi. 

Ushbu ikki kun davom etgan forumda ishtirokchilar “Zakovat” intellektual o‘yini, pazandachilik mahorati tanlovi, sport musobaqalarida o‘zaro bellashdilar. Shuningdek, psixologik trening va sotsiologik so‘rovnomalar o‘tkazildi. Tadbir doirasida “Chorvoq” va “Chinorkent” dam olish maskanlariga sayohatlar tashkil etildi. 

Forum yakunida Favqulodda vaziyatlar vaziri o‘rinbosari polkovnik X.Alibayev ishtirok etib, ishtirokchilarni kubok, medal, “Tashakkurnoma” va esdalik sovg‘alari bilan taqdirladi va ularning kelgusidagi ishlariga zafarlar tiladi. 

Aytib o‘tish kerakki forum juda ko‘tarinki ruhga va qiziqarli voqealarga boy bo‘lib, ishtirokchilarda ajoyib taassurotlar qoldirdi.