Toshkent viloyati Favqulodda vaziyatlar boshqarmasi tomonidan Toshkent viloyati Nurafshon shahrida joylashgan Muhammad al-Xorazmiy nomidagi Toshkent axborot texnologiyalari universiteti Nurafshon filialida qutqaruvchilarning kasbiy mahoratlarini oshirish, bilim va ko‘nikmalarini yanada mustahkamlash maqsadida o‘quv-amaliy taktik mashqi o‘tkazildi.

Mashq jarayonida maxsus texnikalarning imkoniyatlari sinovdan o‘tkazilib, shartli talofat oqibatlarini bartaraf etish, yuqori qavatdan insonlarni qutqarish, bino ichidan evakuatsiya qilish hamda birinchi tibbiy yordam ko‘rsatish kabi ko‘nikmalar amaliy tarzda bajarildi.