Bugun, 27-avgust kuni Favqulodda vaziyatlar vazirligi tizimida  “Eng yaxshi yosh kitobxon-2024” tanlovining Respublika bosqichi Shahrisabz "Temurbeklar" HALda o‘tkazildi. Unda hududiy bosqichda g‘oliblikni qo‘lga kiritgan 20 nafar yosh kitobsevarlar “O‘zbek adabiyoti bilimdoni”, “Jahon adabiyoti bilimdoni”, “Buyuk mutafakkir va adib”, “She’riyat” kabi jami  to‘rtta shart bo‘yicha o‘zaro bellashdilar.
   
Qizg‘in va baxslarga boy o‘tgan musobaqa yakuniy natijalariga ko‘ra faxrli 1-o‘rinni Navoiy viloyati FVB harbiy xizmatchisi oddiy askar Jo‘rayev Rizimatjon Isomiddin o‘g‘li egallagan bo‘lsa, 2-o‘rinni Favqulodda vaziyatlar vazirligi Akademiyasi 4-bosqich kursanti Izbosarov Sardor Mirzohid o‘g‘li va  3-o‘rinni Buxoro viloyati FVB harbiy xizmatchisi oddiy askar Umedov Rustam Rajabboy o‘g‘liga nasib etdi. 

G‘olib va sovrindorlar  diplom va qimmatbaho sovg‘alar bilan taqdirlandi.