Qashqadaryo viloyati Favqulodda vaziyatlar boshqarmasi Hayot faoliyati xavfsizligi o‘quv markazi o‘qituvchilari Qarshi shahar 2-sektordagi otaliqqa olingan yoshlar va viloyat Volontyorlik markazi yoshlari ishtirokida davra suhbati tashkil etdi. Uchrashuvda soha mutaxassislarining "Favqulodda vaziyatlarning olidini olish va ularni bartaraf etishga doir ishlar" hamda "Zilziladan oldin, zilzila vaqtida va zilziladan so‘ng" mavzusidagi ma’ruzalari yoshlar tomonidan katta qiziqish bilan tinglanib, savol-javoblar o‘tkazildi.
Shuningdek, yoshlar uchun qidiruv-qitqaruv avtomobillari va asbob-anjomlarining ko‘rgazmasi tashkil etilib, ularning taktik-texnik xususiyatlari tanishtirildi.
