Musobaqada respublikamizdagi o‘nta aeroportning qidiruv va avariya-qutqaruvini ta'minlash xizmatlari jamoalari o‘zaro bahslashdi. Sportchilar 100 metrga to‘siqlar bilan yugurish, o‘quv minorasi qavatlariga narvonlarda ko‘tarilish, o‘t o‘chirish estafetasi, shuningdek, jangovar shaylik bo‘yicha kuch sinashdi.

Musobaqa yakunlariga ko‘ra faxrli 1-o‘rin Navoiy xalqaro aeroporti, 2-o‘rin Toshkent xalqaro aeroporti va 3-o‘rin Urganch xalqaro aeroporti qo‘lga kiritib, tadbir tashkilotchilari tomonidan tantanali taqdirlandilar.