Namangan viloyati Favqulodda vaziyatlar boshqarmasi xodimlari tomonidan viloyat hududida joylashgan paxta tozalash korxonalari va paxta qabul qilish maskanlarining mavsumga tayyorgarligi hamda yong‘inga qarish holati o‘rganilmoqda. 

Jarayonda joylardagi birlamchi yong‘in o‘chirish vositalari sozligi, yong‘inga qarshi qalqonlar kerakli yong‘in o‘chirish asbob-anjomlari bilan jihozlanganligi, yong‘inga qarshi yer osti gidrant va suv hovuzlari sozligi hamda suv bilan ta’minlanganligi o‘rganilib, aniqlangan kamchilliklar joyida bartaraf etilmoqda. Shuningdek, korxonalar rahbarlari hamda ishchi-xizmatchilariga yong‘in va boshqa favqulodda vaziyatlar sodir bo‘lganda dastlabki harakatlari yuzasidan qo‘shimcha yo‘riqnomalar berilmoqda.