Bugun, 6-sentabr kuni Xitoyning Xarbin shahrida yong‘in-qutqaruv sporti bo‘yicha erkaklar o‘rtasida  XIX Jahon Chempionati va ayollar o‘rtasida X Jahon Chempionati doirasida ishtirokchilarga qur’a tashlash marosimi bo‘lib o‘tdi. Ertaga o‘quv minorasiga ko‘tarilish bo‘yicha birinchi mukofotlar to‘plami o‘ynaladi. Qayd etish kerakki, ishtirokchilar ushbu sportning 4 turi bo‘yicha g‘oliblik va sovrinli o‘rinlar uchun kurash olib boradilar. Mutaxassislar O‘zbekiston terma jamoasini jahon chempionatining eng yaxshi jamoa qatorida ko‘rishmoqda.