"Korrupsiyaga qarshi kurashish oyligi" doirasidagi tadbirlar Surxondaryo viloyati misolida
Surxondaryo viloyati FVB masʼul xodimlari tomonidan, prokuratura va boshqa tegishli tashkilotlar vakillari ishtirokida Sariosiyo tumani FV boʻlimi shaxsiy tarkibi bilan "Yoshlarga korrupsiyasiz kelajak qoldiraylik" hamda "Yoʻl harakati xavfsizligi qoidalariga amal qilish" mavzularida profilaktik tadbir o'tkazildi. Uchrashuv davomida harbiy xizmatchilar va xizmatchilarning huquqiy madaniyatini yuksaltirish, huquqbuzarlik va jinoyatchiliklar, yoʻl transport hodisalari bilan bogʻliq qoida buzilish hamda korrupsion holatlarni sodir etmaslik to'g'risida tushuntirish ishlari olib borildi.
"Yosh avlodga korrupsiyasiz kelajak qoldiraylik"
Ayni shu mavzuda Andijon viloyati Favqulodda vaziyatlar boshqarmasida shaxsiy tarkib bilan o‘quv amaliy seminar bo‘lib o‘tdi. Unda boshqarma rahbariyati, Andijon Harbiy prokuraturasi va tegishli tashkilotlar mas'ul xodimlari ishtirok etdi. Seminar davomida mutasaddilar tomonidan shaxsiy tarkib o‘rtasida harbiy intizomni mustahkamlash, huquqbuzarlik va qonun buzilishi, shuningdek, korrupsiya va manfaatlar to‘qnashuvi kabi holatlarnining oldini olish hamda xizmatchi va xizmatchilarning huquqiy ongi va madaniyatini oshirish borasida atroflicha tushuncha va tavsiyalar berildi.
"Yosh avlodga korrupsiyasiz kelajak qoldiraylik"
Ayni shu mavzuda Surxondaryo viloyati Favqulodda vaziyatlar boshqarmasida Favqulodda vaziyatlar vazirligi masʼul xodimlari, Termiz harbiy prokuraturasi ishtirokida profilaktik tadbir tashkil etildi.
Unda mas'ul xodimlar tomonidan harbiy xizmatchi va xizmatchilarning huquqiy madaniyatini yuksaltirish, huquqbuzarlik va jinoyatchilik bilan bogʻliq qonun buzilish hamda korrupsion holatlarni sodir etmaslik to'g'risida tushuntirish ishlari olib borildi.
“Korrupsiyaga qarshi kurashishni o‘zimizni isloh qilishdan boshlaylik”
Ayni shu mavzu yuzasidan Toshkent viloyati Favqulodda vaziyatlar boshqarmasi harbiy xizmatchi va xizmatchilari ishtirokida seminar tashkil etildi. Unda Toshkent harbiy sudi hamda Chirchiq harbiy prokuraturasi xodimlari o‘z ma’ruzalari bilan ishtirok etdi. Seminar davomida ishtirokchilarga harbiy intizom talablariga, obod - ahloq qoidalariga rioya qilish, avtotransport vositalarini boshqarganda yo‘l harakati xavfsizligi qoidalariga qat’iy amal qilish, sohada korrupsiya holatlariga yo‘l qo‘ymaslik bo‘yicha profilaktik tushuntirish ishlari olib borildi.