Favqulodda vaziyatlar vazirligi huzuridagi jamoatchilik kengashi tarkibi

Kengash raisi: Vazirlik faxriysi Ikromov Ergash Jumaboevich

Rais o‘rinbosari: Vazirlik faxriysi Ibadov Rixsivoy Ergashevich

Kengash a'zolari: Vazirlik faxriysi Umerzakov Xayrutdin Kodirovich;

Vazirlik faxriysi Em Vladimir Nikolayevich;

Vazirlik faxriysi Xasanov Hakimjon Karimovich;

Vazirlik faxriysi Mirpo‘latov Alisher Obidovich;

Vazirlik faxriysi Musayev Rustam Ne'matovich

Kengash kotibi Vazirlik faxriysi Boymirzayev Abdusattor Egamshukurovich

Telefon raqamlari:

Kengash raisi: 78 150-32-19, 71 239-41-80.

Kengash kotibi: 71 266-50-32

Jamoatchlik kengashining yig‘ilishlari: har oyning oxirgi jumasi soat 09.00 dan 11.00 gacha

Kun tartibidagi masalalar: Vazirlik xodimlari va ular oilalarining uy-joy, ijtimoiy-maishiy, xizmat shart-sharoitlarini, ularga malakali tibbiy yordam ko‘rsatish sharoitlarini yahshilash, shuningdek, ishdan bo‘shatilgan yoki zaxiraga olingan xodimlarni ijtimoiy va kasbiy moslashtirishda hamkorlik qilish

O‘zbekistan Respublikasi Favqulodda vaziyatlar vazirligihuzuridagi jamoatchilik kengashi to‘g‘risidagi

NIZOM

1-bob. Umumiy qoidalar

1. Mazkur Nizom O‘zbekiston Respublikasi Favqulodda vaziyatlar vazirligi huzuridagi jamoatchilik kengashining (keyingi urinlarda - jamoatchilik kengashi) asosiy vazifalari, funksiyalari, vakolatlarini va faoliyatini tashkil etish tartibini belgilaydi.

2. Jamoatchilik kengashi o‘z ishini jamoatchilik asosida olib boradigan, doimiy faoliyat yurituvchi maslahat-kengash organi xisoblanadi.

3. Jamoatchilik kengashi vazirlik Markaziy apparat huzurida tashkil etiladi va uning faoliyati hududiy boshqarmalar va tarkibiy tuzilmalarga tatbiq etiladi.

4. Jamoatchilik kengashi Favqulodda vaziyatlar vazirining buyrug‘i bilan tashkil etiladi.

5. Jamoatchilik kengashining qarorlari tavsiyaviy xususiyatga ega.

6. Jamoatchilik kengashi o‘z faoliyatida O‘zbekiston Respublikasining Konstitusiyasi va qonunlariga, O‘zbekiston Respublikasi Oliy Majlisi palatalarining qarorlariga, O‘zbekiston Respublikasi Prezidentining farmonlari, qarorlari va farmoyishlariga, O‘zbekiston Respublikasi Vazirlar Mahkamasining qarorlari va farmoyishlariga va mazkur Nizomga amal qiladi.

7. Jamoatchilik kengashi to‘g‘risidagi Nizomga o‘zgartishlar hamda qo‘shimchalar Favqulodda vaziyatlar vazirining buyrug‘i bilan kiritiladi.

2-bob. Jamoatchilik kengashining asosiy vazifalari,funksiyalari, xuquqlari va majburiyatlari

8. Quyidagilar jamoatchilik kengashining asosiy vazifalari xisoblanadi:

qabul qilinayotgan normativ-huquqiy hujjatlarda jamoatchilik manfaatlari va jamoatchilik fikri hisobga olinishi, fuqarolarning, yuridik shaxslarning huquqlari va qonuniy manfaatlarini, jamiyat manfaatlarini himoya qilish sohasida qonun hujjatlari talablari ijrosini ta'minlash, vazirlik zimmasiga yuklangan hamda ijtimoiy va jamoatchilik manfaatlariga dahl qiluvchi vazifalar va funksiyalarni bajarish, davlat xizmatlarini ko‘rsatish, ijtimoiy sheriklik doirasida amalga oshiriladigan bitimlar, shartnomalar, loyihalar va dasturlarni ruyobga chikarish bo‘yicha vazirlik va uning mansabdor shaxslarining faoliyati ustidan jamoatchilik nazoratini amalga oshirish;

birgalikda muloqot qilish, vazirlikning nodavlat notijorat tashkilotlari, ommaviy axborot vositalari va fuqarolik jamiyatining boshqa institutlari bilan samarali hamkorlikni ta'minlash uchun vazirlikni fuqarolar bilan bog‘lab turadigan “ko‘prik” rolini bajarish;fuqarolarning huquqlari, erkinliklari va qonuniy manfaatlariga dahl qiluvchi eng muhim masalalar yuzasidan vazirlik faoliyati haqidagi jamoatchilik fikrini tizimli monitoring qilish va har tomonlama tahlil qilish, ijtimoiy so‘rovlar o‘tkazish, jumladan ularni axborot-kommunikasiya texnologiyalaridan foydalangan holda o‘tkazish;

qiluvchi eng muhim masalalar yuzasidan vazirlik faoliyati haqidagi jamoatchilik fikrini tizimli monitoring qilish va har tomonlama tahlil qilish, ijtimoiy so‘rovlar o‘tkazish, jumladan ularni axborot-kommunikasiya texnologiyalaridan foydalangan holda o‘tkazish;

vazirlik faoliyatida korrupsiyaga qarshi kurashish sohasidagi davlat dasturlari va boshqa dasturlarni ishlab chiqish hamda amalga oshirishda ishtirok etish, korrupsiyaga qarshi kurashish bo‘yicha olib borilgan ishlar ustidan monitoring va tahlil o‘tkazish, shuningdek ularning natijalari bo‘yicha takliflar tayyorlash;

vazirlik faoliyatining ochiqligini ta'minlash bo‘yicha amalga oshirilayotgan tadbirlarni monitoring qilish hamda faoliyati to‘g‘risida batafsil axborot olish imkoniyatlarini tahlil qilish, ularni yanada kengaytirish bo‘yicha takliflar ishlab chiqish;

vazirlik faoliyatini isloh qilishda fuqarolar ishtirok etishi uchun yaratilgan shart-sharoitlarni o‘rganish va ularni yaxshilash bo‘yicha takliflar ishlab chiqish;vazirlik faoliyati bo‘yicha fuqarolar o‘rtasida o‘tkaziladigan tushuntirish ishlari va ma'naviy-ma'rifiy tadbirlarda ishtirok etish, ularning samaradorligini oshirish yuzasidan takliflar ishlab chiqish;

vazirlik xodimlari va ular oilalarining uy-joy, ijtimoiy-maishiy, xizmat shart-sharoitlarini, ularga malakali tibbiy yordam ko‘rsatish sharoitlarini, shuningdek, ishdan bushatilgan yoki zaxiraga olingan xodimlarni ijtimoiy va kasbiy moslashtirish bo‘yicha muammolarni kompleks tahlil qilish hamda tahlil yakunlari bo‘yicha mazkur sharoitlarni yaxshilash yuzasidan takliflar kiritish.

9. Jamoatchilik kengashi o‘z zimmasiga yuklatilgan vazifalarga muvofiq kuyidagi funksiyalarni bajaradi:

vazirlik faoliyatiga doyr masalalar yuzasidan fuqarolar, nodavlat notijorat tashkilotlari va fuqarolik jamiyati boshqa institutlarining tashabbuslari hamda murojaatlarini ko‘rib chiqishda ishtirok etadi, shuningdek, ularni ko‘rib chiqish natijalari bo‘yicha vazirlikka tegishli takliflar kiritadi;

vazirlikning fuqarolar, nodavlat notijorat tashkilotlari va fuqarolik jamiyatining boshqa institutlari bilan o‘zaro hamkorligini tahlil qiladi, shuningdek, hamkorlikni takomillashtirish yuzasidan takliflar ishlab chiqadi;vazirlik faoliyatiga dahldor davlat dasturlari, chora-tadbirlar rejasi va boshqa hujjatlarni tayyorlanishi shu jumladan, korrupsiyaga qarshi kurashish soxasiga oid hujjatlarni ishlab chiqish bo‘yicha taklif tayyorlaydi, shuningdek, vakolati doirasida ularning ijrosini ta'minlashda ishtirok etadi, samaradorlikni tahlil qiladi hamda yo‘l qo‘yilgan xato va kamchiliklar bo‘yicha taklif tayyorlaydi;

vazirlik rahbariyati va xodimlarining fuqarolar bilan joylarga chiqqan holda uchrashuvlarini tashkil qilishda hamda jismoniy va yuridik shaxslarni qabul qilinishida ishtirok etadi, uchrashuvlar o‘tkazilishi monitoringini yuritadi;

vazirlik xodimlari va ular oilalarining uy-joy, ijtimoiy-maishiy, xizmat shart-sharoitlarini, ularga malakali tibbiy yordam ko‘rsatish sharoitlarini yahshilashda, shuningdek, ishdan bo‘shatilgan yoki zaxiraga olingan xodimlarni ijtimoiy va kasbiy moslashtirishda hamkorlik qiladi;

xizmat shart-sharoitlarini, ularga malakali tibbiy yordam ko‘rsatish sharoitlarini yahshilashda, shuningdek, ishdan bo‘shatilgan yoki zaxiraga olingan xodimlarni ijtimoiy va kasbiy moslashtirishda hamkorlik qiladi;vazirlik xodimlari o‘rtasida xodimlar va ularning oila a'zolarini ijtimoiy va huquqiy muxofazasi masalalari yuzasidan keng targ‘ibot ishlarini tashkillashtiradi;

vazirlik va uning hududiy boshqarmalari hamda tarkibiy tuzilmalarida yuksak harbiy intizomga erishish, vatanga sodik xizmat qilish, ma'naviy-axloqiy tarbiyani mustaxkamlash, sog‘lom ruxiy psixologik muhitni saqlash, qonunlarga rioya qilish va huquqiy madaniyatni shakllantirishga xizmat qiluvchi takliflarni ishlab chiqish;

doimiy ravishda vazirlik faoliyatini isloh qilinishiga oid ma'lumotlarni keng jamoatchilikka hamda chet ellarda targ‘ibotini olib borish, mavjud muammolarni hal etish va kamchiliklarni bartaraf qilish bo‘yicha taklif ishlab chiqish (O‘zbekiston Respublikasi Davlat sirlarini saklash to‘g‘risidagi qonuniga va maxfiylik rejimiga muvofiq);

vazirlik faoliyatiga bagishlangan ilmiy-nazariy va ilmiy-amaliy konferensiyalar, seminarlar, davra suhbatlarini tashkil qilishda ishtirok etadi;vazirlik faoliyatini ommaviy axborot vositalari tomonidan yoritib borilishi bo‘yicha amalga oshirilgan ishlar natijalarini tahlil qiladi hamda samaradorligini oshirish va mavjud kamchiliklarni bartaraf etish yuzasidan takliflar ishlab chiqadi;

o‘ziga yuklatilgan vazifalarni bajarishda nodavlat notijorat tashkilotlari, ommaviy axborot vositalari, fuqarolik jamiyatining boshqa institutlari hamda fuqarolar bilan hamkorlik qiladi.

10. Jamoatchilik kengashi zimmasiga yuklatilgan vazifalar va funksiyalarni bajarish uchun:vazirlik tomonidan tashkil etiladigan bo‘lajak ochik xay'at majlislari va boshqa ommaviy tadbirlar to‘g‘risidagi axborotni oldindan olish hamda mazkur tadbirlarda ishtirok etish;

vazirlik va uning hududiy boshqarmalari, tarkibiy tuzilmalari binolari (xonalari) va boshqa ob'ektlarini vazirlik tomonidan belgilangan tartibda borib kurish;vazirlik va uning hududiy boshqarmalari, tarkibiy tuzilmalari rahbarlariga jamoatchilik kengashi vakolatiga kiradigan masalalar yuzasidan takliflar kiritish;

vazirlik faoliyati samaradorligini oshirish bo‘yicha takliflar va tavsiyalarni ishlab chiqish hamda amalga oshirish uchun zarur bo‘lgan vazirlikning axborotlari, statistika va boshqa materiallarini belgilangan tartibda olish;

vazirlikning qonun ijodkorligi faoliyatida, vazirlik tomonidan ishlab chiqilgan normativ-huquqiy kujjatlar loyihalarining jamoatchilik va ekspertlar muhokamasini ta'minlashda ishtirok etish;jismoniy va yuridik shaxslar murojaatlariga vazirlik tomonidan berilgan javoblarning sifatini tanlab olgan holda tahlil qilish;

vazirlik xodimlarining roziligi bilan ularning uy-joy, ijtimoiy-maishiy va xizmat shart-sharoitlari bilan tanishish;

maishiy va xizmat shart-sharoitlari bilan tanishish;jamoatchilik kengashi majlislarida muhokama qilinadigan masalalarni yoritish bo‘yicha ommaviy axborot vositalari bilan hamkorlik qilish;

yuklatilgan vazifalarni bajarish uchun konferensiyalar, forumlar, seminarlar, davra suhbatlari va boshqa tadbirlarni tashkil etish huquqiga ega. Jamoatchilik kengashi qonun kujjatlariga muvofiq boshqa huquqlarga ham ega bo‘lishi mumkin.

11. Jamoatchilik kengashi o‘z faoliyatini amalga oshirishda:jamoatchilik nazorati to‘g‘risidagi qonun hujjatlari talablariga rioya qilishi;vazirlik faoliyati bilan bog‘liq qonun hujjatlarida belgilangan cheklovlarga amal qilishi;

vazirlik va uning mansabdor shaxslarining o‘z vakolatlari doirasida amalga oshiradigan faoliyatiga aralashmasligi;

vazirlik va uning mansabdor shaxslari faoliyat ko‘rsatishi uchun to‘sqinlik qilmasligi;

fuqarolarning or-nomusi va qadr-qimmatini taxqirlashga, ularning shaxsiy hayotiga aralashishga yo‘l qo‘yymasligi;

jamoatchilik nazoratini amalga oshirish davomida olingan axborotning, agar bunday axborotni tarqatish qonun bilan cheklangan bo‘lsa, maxfiyligiga rioya qilishi shart.Jamoatchilik kengashining zimmasida qonun hujjatlariga muvofiq boshqa majburiyatlar ham bo‘lishi mumkin.

3-bob. Jamoatchilik kengashining tarkibinishakllantirish va ishini tashkil etish tartibi

12. Jamoatchilik kengashining tarkibiga uning raisi, rais o‘rinbosari, kotibi va a'zolari kiradi.

13. Jamoatchilik kengashi a'zoligiga, qoida tariqasida, Favqulodda vaziyatlar vazirligi tizimida namunali xizmat qilgan faxriylar, jamoatchilik faoliyati sohalarida katta amaliy tajribaga ega obru-e'tiborli fuqarolar, shuningdek, nodavlat notijorat tashkilotlari, ommaviy axborot vositalari va fuqarolik jamiyatining boshqa institutlari vakillari qabul qilinadi.Jamoatchilik kengashi a'zolarining soni cheklanmagan.

14. Jamoatchilik kengashining tarkibi Favqulodda vaziyatlar vazirining buyrugi bilan har 3 yilda tasdiqlanadi.

15. Qo‘yidagi holatlarda jamoatchilik kengashining raisi, rais o‘rinbosari, kotibi va a'zolari uning tarkibidan chiqarilishi mumkin:ular tomonidan jamoatchilik kengashi tarkibidan chiqish to‘g‘risida ariza berilganda;

jamoatchilik kengashining majlislarida muntazam ravishda ishtirok etmaganda, mazkur Nizomning 11-bandida nazarda tutilgan majburiyatlarni bajarmaganda;

ularga nisbatan chiqarilgan sudning ayblov xukmi qonuniy kuchga kirganda;

vafot etganda, shuningdek, sudning qonuniy kuchga kirgan hal qiluv qarori asosida ular muomalaga layoqatsiz, bedarak yuqolgan yoki vafot etgan deb topilganda.

16. Jamoatchilik kengashining tarkibi to‘g‘risidagi ma'lumotlar va unga kiritilgan o‘zgartirishlar ular tasdiqlangan paytdan boshlab 5 kun ichida davlat organining rasmiy veb-saytida e'lon qilinadi.

17. Jamoatchilik kengashining raisi: jamoatchilik kengashining faoliyatiga umumiy rahbarlik qiladi;

jamoatchilik kengashining majlislarini chaqiradi va kun tartibini belgilaydi;jamoatchilik kengashining majlislarida raislik qiladi;

jamoatchilik kengashining ish rejasini, majlis bayonnomasini va boshqa hujjatlarini tasdiqlaydi;jamoatchilik kengashi qarorlarining ijrosini nazorat qiladi;

jamoatchilik kengashi a'zolarining zimmasiga yuklatilgan vazifalarni bajarilishini muvofiqlashtiradi;vazirlikning rasmiy veb-saytida va boshqa resurslarda joylashtiriladigan jamoatchilik kengashining faoliyati to‘g‘risidagi ma'lumotlar tarkibi bo‘yicha takliflar kiritadi va uni Favqulodda vaziyatlar vaziri bilan kelishadi;

jamoatchilik kengashi qarorlarini bajarish masalalari yuzasidan Favqulodda vaziyatlar vaziri bilan hamkorlik qiladi;jamoatchilik kengashining samarali ishini ta'minlash bo‘yicha boshqa vakolatlarni amalga oshiradi.

18. Jamoatchilik kengashining raisi bo‘lmagan taqdirda, uning vakolatlari va majburiyatlarini rais o‘rinbosari bajaradi.19. Jamoatchilik kengashi raisining o‘rinbosari:rais yo‘qligida jamoatchilik kengashining majlislarida rahbarlik qiladi;

jamoatchilik kengashi qarorlarining ijrosini nazorat qilish bo‘yicha ishlarni tashkil etadi;fuqarolarni va yuridik shaxslarning vakillarini qabul qiladi, shuningdek, jamoatchilik kengashi faoliyatiga taallukli murojaatlarni ko‘rib chiqish bo‘yicha ishlarni tashkil etadi;

jamoatchilik kengashining samarali ishlashini ta'minlash bo‘yicha boshqa vakolatlarni amalga oshiradi.

20. Jamoatchilik kengashining kotibi:jamoatchilik kengashining faoliyatini uslubiy, tashkiliy-huquqiy va tashkiliy-texnik jihatdan ta'minlash masalalarini hal qiladi;

jamoatchilik kengashining navbatdagi majlisiga barcha zarur materiallar o‘z vaqtida tayyorlanishini ta'minlaydi, vazirlik xodimlaridan zarur hujjatlar va ma'lumotlarni so‘rab oladi;

kun tartibiga muvofiq jamoatchilik kengashi majlislari o‘tkazilishini tashkil etadi;

jamoatchilik kengashi o‘tkaziladigan sana, joy va taklif etiladigan shaxslar ruyxatini jamoatchilik kengashining raisi bilan kelishadi;

jamoatchilik kengashining a'zolarini va taklif etilgan shaxslarni jamoatchilik kengashi majlisi o‘tkaziladigan joy, sana va vaqt haqida xabardor qiladi;

jamoatchilik kengashi qarorlarining ijro etilishi ustidan monitoring olib boradi va uning natijalarini jamoatchilik kengashi majlisida ko‘rib chiqish bo‘yicha takliflar kiritadi;

jamoatchilik kengashi majlisining bayonnomasini rasmiylashtiradi va tasdiqlangan bayonnomaning jamoatchilik kengashi a'zolari hamda boshqa manfaatdor shaxslarga jo‘natilishini ta'minlaydi;

jamoatchilik kengashining samarali ishlashini ta'minlash bo‘yicha boshqa vakolatlarni amalga oshiradi.

21. Jamoatchilik kengashining a'zolari o‘z majlislarida ko‘rib chiqiladigan masalalarni muhokama qilish va hal qilishda o‘z vakolatini boshqalarga o‘tkazish huquqiga ega emas. Jamoatchilik kengashining majlisida ishtirok etish imkoni bo‘lmagan xolatlarda, uning a'zosi majlis kun tartibidagi masalalar bo‘yicha o‘z fikrini yozma shaklda yuborishi mumkin. Bunda uning fikri majlisda ko‘rib chiqiladi va ovoz berishda xisobga olinadi. Jamoatchilik kengashining a'zolari:

o‘z zimmalariga yuklatilgan vazifalarni bajarish uchun vazirlik tomonidan tashkil etiladigan xay'at majlislarida va boshqa ommaviy tadbirlarda ishtirok etadi;

jamoatchilik kengashi ish rejalarining loyihalarini tayyorlaydi, ularni jamoatchilik kengashida ko‘rib chiqish uchun kiritadi va tasdiqlangan ish rejalari bajarilishini ta'minlaydi;

vazirlik faoliyatining samaradorligini oshirish bo‘yicha takliflar va tavsiyalarni ishlab chiqishda hamda amalga oshirishda katnashadi;

vazirlik xodimlari, ularning oila a'zolari bilan uchrashuvlar o‘tkazadi va ularning huquqlari, erkinliklari hamda qonuniy manfaatlarini ta'minlash bo‘yicha takliflarni jamoatchilik kengashiga kiritadi;

jamoatchilik kengashining kun tartibiga kiritilgan masalalar yuzasdan tahliliy materiallar tayyorlaydi;

jamoatchilik kengashining vakolatiga kiradigan masalalar bilan bog‘liq murojaatlarni ko‘rib chiqadi va natijalari bo‘yicha tegishli hujjatlarni tayyorlayd;

jamoatchilik kengashining zimmasiga yuklangan vazifalar va funksiyalarga muvofiq boshqa vakolatlarni amalga oshiradi.

22. Jamoatchilik kengashi faoliyatining asosiy masalalari uning majlisida ko‘rib chiqiladi. Jamoatchilik kengashining majlisi uning ish rejalari asosida har chorakda kamida bir marta chaqiriladi.Jamoatchilik kengashining raisi jamoatchilik kengashi a'zolarining uchdan bir kismining yozma murojaati asosida uning navbatdan tashqari majlisini chaqirishi mumkin.

23. Jamoatchilik kengashining majlislariga boshqa davlat organlari, nodavlat notijorat tashkilotlari va fuqarolik jamiyati institutlarining vakillari taklif etilishi mumkin.

24. Jamoatchilik kengashi majlisi kun tartibining loyixasi kotib tomonidan jamoatchilik kengashi a'zolarining takliflari va jamoatchilik kengashi raisining topshirig‘i asosida shakllantiriladi. kengashi raisining topshirig‘i asosida shakllantiriladi.

25. Jamoatchilik kengashining majlisini uning raisi olib boradi. rais ishtirok eta olmagan xolatlarda, majlisni uning o‘rinbosari olib boradi.Jamoatchilik kengashining majlisida Favqulodda vaziyatlar vaziri, uning o‘rinbosarlari va boshqa xodimlari ham ishtirok etishi mumkin.

26. Jamoatchilik kengashining majlisi, agar unda jamoatchilik kengashi a'zolarining kamida uchdan ikki kismi (kvorum) ishtirok etgan taqdirda vakolatli xisoblanadi.Majlisni o‘tkazish uchun kvorum shakllanmagan taqdirda, jamoatchilik kengashining yangi majlisi o‘tkaziladigan sana e'lon qilinadi.

27. Jamoatchilik kengashining qarori majlisda ishtirok etayotgan jamoatchilik kengashi a'zolarining oddiy kupchilik ovozi bilan qabul qilinadi.

28. Jamoatchilik kengashining har bir a'zosi qabul kilinayotgan qarorlar bo‘yicha uzining fikrini yozma shaklda ifodalashga xakli. Uning fikri jamoatchilik kengashi majlisining bayonnomasiga majburiy tartibda qo‘shib qo‘yiladi.

29. Jamoatchilik kengashining majlisida qabul qilingan qaror bayonnoma bilan rasmiylashtiriladi. Jamoatchilik kengashi majlisining bayonnomasi kotib tomonidan imzolanadi, majlisga raislik qiluvchi tomonidan tasdiklanadi va uch kun muddatda vazirlikka, jamoatchilik kengashi a'zolariga va manfaatdor shaxslarga taqdim etiladi.

30. Jamoatchilik kengashining qarorini tezlik bilan qabul qilish zaruriyati tug‘ilganda, uning raisi tashabbusi bilan qaror jamoatchilik kengashining a'zolari bilan kelishilgan holda so‘rov yo‘li bilan qabul qilinishi mumkin.

Vazirlik jamoatchilik kengashining qabul qilgan qaroriga qushilmagan xollarda, jamoatchilik kengashining qarorini olgan kundan boshlab o‘n kundan kechikmay unga asoslantirilgan e'tirozini yozma shaklda yuboradi.

31. Jamoatchilik kengashining kotibi kengash a'zolari ko‘magida jamoatchilik kengashi qarorlari ijrosining borishini o‘rganadi va ko‘rib chiqadi, zarur bo‘lgan xollarda, jamoatchilik kengashining raisiga tegishli takliflar kiritadi.

4-bob. Yakunlovchi qoidalar

32. Jamoatchilik kengashining faoliyatini moddiy-texnik jixatdan ta'minlash vazirlik tomonidan, shuningdek, qonun hujjatlarida taqiqlanmagan boshqa manbalar xisobidan amalga oshiriladi.

33. Jamoatchilik kengashining faoliyati uning nizomiga va O‘zbekiston Respublikasining qonun hujjatlariga muvofiq ekanligi Favqulodda vaziyatlar vaziri tomonidan nazorat qilinadi.

34. Jamoatchilik kengashining va Favqulodda vaziyatlar vazirining jamoatchilik kengashi faoliyati bilan bog‘liq qarorlari ustidan belgilangan tartibda shikoyat qilinishi mumkin.